【性別承認法公聽會】諮詢再諮詢,性別承認遙遙無期!|黃欣琴

文:黃欣琴

主席,各位與會人士 :  我係黃欣琴,世界公民協會香港區總監,亦係跨性別人士。

今日係國 際跨性別紀念日,係紀念全世界被恐跨人士仇視而直接或間接被害嘅 跨性別人士嘅日子。跨性別人士被仇視,不止香港,全世界都係, 所以,今日咁多人出動黎反對我地,係社會常態,問題係政府係唔係 正視我地既存在,好似其他外國政府咁,有心去改善我地被極度邊沿化嘅身分。

其他你可能感興趣的文章:
「性別承認法」 系列
【聯署】(31/12截止)支持香港設立性別承認法
如何在立法會推動同志平權?從7月司法及法律事務委員會討論性別承認法說起

今日我著黑色,就係要悼念佢地,因為人嘅無知, 而白白咁犧牲左。我地嘅法律性別,就算做左手術, 仍然係原生性別。改左身分證,都係用黎掩人耳目,所以, 我每日入女廁,都係犯左公廁行為及舉止規例第七條,但諷刺嘅係, 如果我依照我法律性別進入男廁,每一次都被男人趕走,百試不爽。 相反,香港大學有位未做手術嘅跨女講師,師生都知,多年黎喺大學 入女廁,從來都冇女士投訴過。掉轉係跨仔,不論佢做左手術未, 如果依照法例入女廁,女人一定被嚇到雞飛狗走,我認為,跨仔入女 廁先至係男性侵佔女性空間,恐跨人士將事實掉轉黎講,真係唔知佢 地係咩居心! W 案未判之前,好多變左性嘅朋友,都攞住身分證去結婚, 講真話嘅,卻要打五年官司,才得償所願。




而家有左判例,可以堂堂 正正咁去結婚,但其他範疇,未有判例,亦未有性別承認,我地入女廁,咪日日都係犯緊法囉。而性文化學會,竟然出書話W 案係錯判,咁係唔係我地同女人結婚,先至唔算同性婚姻呢 ? 如果我地不幸被強姦,罪犯以男人不可能強姦男人而脫罪,你地又會 唔會笑笑口咁係度話我地抵死!抵死!抵死呢 ? 奉勸香港政府,唔好再磋跎時日,諮詢再諮詢,反對聲音,全世界都 一樣,一定係排山倒海,咁樣性別承認就遙遙無期架啦 !

Please share 🙂

讀者投稿

G點電視獲作者/版權持有人授權轉載此類資訊,並已註明出處。 如欲轉載,請直接聯絡作者/版權持有人。 ----------------------------------------------------- G點電視是一個文字與影像結合的半開放式同志媒體,除了有自家製作外,也非常歡迎性/別友善的朋友投稿/投片。 了解更多|http://gdottv.com/main/submit 歡迎投稿|gdottv.ntxs@gmail.com

Social media & sharing icons powered by UltimatelySocial