時事評論編輯推介觀點

【同志議政】馮檢基遲來的道歉 不代表同志必定接受|Louis

文:Louis

雖然馮檢基道歉,亦都有表示自己願意溝通,但抱歉,同志實在難以接受你既道歉。

先不論同志喺你退下議會前線既時候先聽倒你既道歉,一路咁多年我地做既野你都不瞅不睬,而家你再次參選先回應;單單係你講到你當年對平機會既期望,就完全令人不能信服。

其他你可能感興趣的文章:
馮檢基,我今天仍未能接受你的道歉|Jimmy
馮檢基是同志敵人|五仔
我們的反同議員:李慧琼、馮檢基、葉國謙、涂謹申

一來平機會同性別歧視條例無法處理性傾向歧視問題呢個大家都相當清楚,二黎其實當年婦女團體亦有抗議平機會既不足,包括權力太小冇約束力、對懷孕婦女既歧視、個案處理緩慢、容許部分職業有差別對待既情況等,其實呢d問題當時已經見倒。究竟當年馮檢基有冇在意過呢d民間團體既意見?定係今時今日先諗個理由出黎,為當年反對性傾向歧視條例立法搵一個合理既理由?




另外一樣擔心既點當然係,馮檢基2012年係立法會討論同志平權議題時,按民協機制向民協申請唔依照黨既立場投票,原因係宗教信仰。若果將來又要投票,到頭來會唔會又以同樣理由投棄權甚至反對?呢點係相當難以令人有信心既。

民協一直紮根社區,做好多社區工作,令民協係區議會有唔少議席,呢點係好多民主派都做唔倒甚至忽視既。但政治、人權議題對民主派黎講仍然係要有立場既。民協喺議會如果只得馮檢基一個,同時佢又申請豁免既話,實在令人睇唔倒民協立場係點。期望民協會同同志團體有更多交流,甚至能夠出席同志團體既活動同遊行,令更多人了解民協係同志議題上既立場,唔再係只見倒馮檢基反對既一面。